قامت الفنانة هنا شيحة بكتابة رسالة مؤثرة للراحل هيثم أحمد زكي عبر خاصية “ستوري” بموقع التواصل الاجتماعي وتبادل الصور والفيديوهات “إنستجرام”.
وكتبت هنا قائلة، “الوقت مش موجود، حقيقي مش موجود، دايما فاكرين إن في وقت، في وقت أشوف أهلي، في وقت اكلم صحابي اللي واحشني، في وقت أرد على المكالمات اللي ما ردتش عليها”.
وأضافت: “بس مفيش وقت، الوقت هو دلوقتي حالا، منستناش نعمل اللي حاسينه ونكلم اللي واحشنا لأنه فجأة ممكن ميبقاش موجود وسطينا ونزعل ونندم إننا قصرنا في حقه ومعملناش اللي كان نفسنا نعمله ومالحقناش”.
واختتمت هنا شيحة “حقك عليا يا هيثم، أنا قصرت في حقك ومكنتش بسأل عليك زي ما المفروض أسأل، زعلانة قوي من نفسي وأنت وحشتني ماشوفتكش وما لحقتش أشوفك، مشيت بسرعة قوي يا هيثم، مش مستوعبة إنك روحت، البقاء لله إنا لله وإنا إليه راجعون”.
هنا وهيثم في “السبع وصايا”
يذكر أن الفنانة هنا شيحة تعاونت مع الفنان الراحل هيثم أحمد زكي من خلال مسلسل “السبع وصايا” بطولة رانيا يوسف.
المصدر : https://www.shamekh.news/?p=139
